Մենք սերտորեն համագործակցում ենք համայնքների հետ՝ ստեղծելով առանցքային ենթակառուցվածքներ և զարգացնելով ինքնազբաղվածության հնարավորությունները։ Մենք հավատում ենք մեծ գաղափարներին, երկարաժամկետ արդյունքներին և նորարարական լուծումներին։ Ծրագիրը հաջողությամբ իրականացվել է Հայաստանի 9 մարզերի 55 համայնքներում։
Խոցելի համայնքներում LED լուսավորության համակարգերի ներդրումը նախաձեռնություն է, որի նպատակն է բարձրացնել անվտանգության զգացումը, խթանել բնապահպանական կայունությունը և նպաստել բնակիչների կյանքի որակի ընդհանուր բարելավմանը։ Էներգախնայող LED լամպերի կիրառման շնորհիվ համայնքներում նվազում է էլեկտրաէներգիայի սպառումն ու ածխածնի հետքը։ Սա ոչ միայն օգտակար է շրջակա միջավայրի համար, այլև երկարաժամկետ տնտեսական առավելություններ է ընձեռում համայնքներին՝ նվազեցնելով էներգիայի ծախսերը և այդ միջոցներն ուղղելով համայնքային այլ կարիքների բավարարմանը։
Այս նախաձեռնությունն ուղղված է ջրից մասնակիորեն կամ ամբողջությամբ զրկված համայնքներին շուրջօրյա հուսալի ջրամատակարարմամբ ապահովելուն։ Ծրագիրը կենտրոնանում է կենսական նշանակություն ունեցող ենթակառուցվածքների ներդրման կամ արդիականացման վրա՝ համայնքների ջրային կարիքները բավարարելու համար։ Աշխատանքները ներառում են ջրամբարների և օրվա կարգավորիչ ջրավազանների կառուցում, խողովակաշարերի անցկացում, ջրի զտման և մաքրման համակարգերի ներդրում, բաշխիչ ցանցերի բարելավում և այլն։
Նորարարական տեխնոլոգիաների ներդրման միջոցով (արևային ջրային պոմպեր, արևային էլեկտրական հովիվներ, արևային ջրատաքացուցիչ համակարգեր) ծրագիրը նպատակ ունի բավարարել խոցելի համայնքների էներգետիկ կարիքները՝ շրջակա միջավայրի համար անվտանգ և արդյունավետ եղանակով։ Ծրագրի կարևոր ուղղություններից մեկը համայնքային նշանակության շենքերի՝ մանկապարտեզների և մշակույթի տների համար արևային ջրատաքացման համակարգերի տեղադրումն է։
Ընդունելով գյուղատնտեսության կարևորությունը՝ որպես առանցքային տնտեսական գործունեություն, FPWC-ն գյուղական համայնքներին տրամադրում է ժամանակակից և արդյունավետ գյուղատնտեսական տեխնիկա։ Սա թույլ է տալիս ֆերմերներին օպտիմալացնել գործընթացները, նվազեցնել ձեռքի աշխատանքը և բարձրացնել արդյունավետությունը գյուղատնտեսական արտադրության տարբեր փուլերում՝ միաժամանակ նպաստելով համայնքների պարենային անվտանգությանն ու տնտեսական աճին։
Ձեր նվիրատվությունն օգնում է որբացած արջուկներին վերադառնալ վայրի բնություն։ Առաջարկի՛ր անուն, որը կդառնա նրա փրկության պատմության մի մասը։
🐻 Նվիրաբերել և անվանակոչելՁեր աջակցությունը օգնում է նրանց ապրել:
