Մենք հանձնառու ենք մատուցել համապարփակ բնապահպանական կրթություն, բարձրացնել իրազեկվածության մակարդակը և հզորացնել բոլոր տարիքային խմբերի անհատների կարողությունները։ Մեր ներառական ծրագրերը նախատեսված են երեխաների, երիտասարդների, կանանց և ֆերմերների համար՝ յուրաքանչյուր մասնակցի զինելով անհրաժեշտ գիտելիքներով ու գործիքներով՝ դառնալու էկո-գիտակից և պատասխանատու քաղաքացի։
FPWC-ի թիմը մշակել է եզակի ուսումնական ծրագիր, որը համատեղում է բնապահպանական կրթությունը, մեդիագիտակցությունը և կենսական հմտությունները՝ լուսանկարչության և տեսանկարահանման տեխնիկայի գործնական դասընթացների հետ։ Այս համապարփակ մոտեցումն ապացուցել է իր բարձր արդյունավետությունը՝ կրթելով և դրական ազդեցություն ունենալով Հայաստանի ավելի քան 5000 պատանիների ու երիտասարդների վրա։
Վերջին 15 տարիների ընթացքում աշխարհի 150 երկրներից ցուցադրված ավելի քան 780 ֆիլմերով՝ փառատոնը դարձել է բնապահպանական խնդիրների մասին իրազեկվածության բարձրացման առաջատար հարթակ: Բազմազան ծրագիրը ներառում է ոչ միայն ֆիլմերի ցուցադրություններ, այլև աշխատաժողովներ, ցուցահանդեսներ, համաժողովներ և այլ միջոցառումներ, որոնք նպատակ ունեն ներգրավել մասնակիցներին յուրօրինակ և գունեղ ձևաչափերով:
Մեր թիրախային կարողությունների հզորացման ծրագրերի միջոցով մենք գյուղատնտեսներին զինում ենք տարբեր ոլորտների անհրաժեշտ գիտելիքներով և հմտություններով։ Մենք առանձնակի ուշադրություն ենք դարձնում անվտանգ և կայուն գործելակերպի ներդրմանը, որը նպատակ ունի նվազագույնի հասցնել շրջակա միջավայրի վրա թողած բացասական ազդեցությունը։
Մենք կրթում ենք մեդիա ոլորտի երիտասարդ ներկայացուցիչներին՝ սովորեցնելով նրանց վեր հանել հրատապ բնապահպանական խնդիրները, իրականացնել խորքային հետազոտություններ և բարդ բնապահպանական թեմաները հասանելի դարձնել տարբեր լսարանների համար։
Ձեր նվիրատվությունն օգնում է որբացած արջուկներին վերադառնալ վայրի բնություն։ Առաջարկի՛ր անուն, որը կդառնա նրա փրկության պատմության մի մասը։
🐻 Նվիրաբերել և անվանակոչելՁեր աջակցությունը օգնում է նրանց ապրել:
